Loyiha bayoni:

BMTning Taraqqiyot dasturi, UNISEF, JSST va BMTning  Narkotiklar va Jinoyatchilik bo’yicha boshqarmasi tomonidan birgalikda amalga oshirilayotgan "O'zbekistonda barqaror rivojlanishni moliyalashtirishning integratsiyalashgan milliy asoslarini yaratish" qo'shma dasturi (QD). Qo'shma dasturning maqsadi O'zbekiston hukumatiga o'zining milliy rivojlanish strategiyasini moliyalashtirishning umumiy asoslarini mustahkamlash hamda davlat moliyasini boshqarishda ko’mak berishdir.

Bundan tashqari, QD rivojlanishning ustuvor yo'nalishlari uchun mavjud moliyaviy resurslarning samaradorligini oshirib, davlat va xususiy moliyasining yangi shakllarini joriy etish uchun qulay muhit yaratishga qaratilgan. QD ijtimoiy (ijtimoiy yordam va sog'liqni saqlash sohalariga alohida e'tibor qaratgan holda) va atrof-muhit siyosat / islohotlarning rivojlanishga ta'sirini maksimal darajada oshirish uchun moliyaviy echimlarga ega bo'lgan Integratsiyalashgan milliy moliyalashtirish asoslarini (IMMA) yaratish uchun ko'maklashishga qaratilgan. IMMA jarayoni va doirasi BRMlarni moliyalashtirishning ustuvor rivojlanish yo'nalishlarini aniqlashga yordam beradi.

QD Hukumatga quyidagi yo’nalishlarda qo'llab-quvvatlaydi: a) sog'liqni saqlash va ijtimoiy yordam sohalarida o'ziga xos moliyalashtirish asoslari bilan IMMA tashkil etish, b) maksimal ta'sirga ega bo’lgan  davlat moliyasi oqimlarini optimallashtirish (davlat moliyasini boshqarish va aktivlarni tiklash milliy tizimi) va v) davlat va xususiy resurslarni jalb qilish uchun samarali arxitekturani yaratish (sog'liqni saqlashni moliyalashtirish yechimlari, atrof-muhitga zarar etkazmaydigan loyihalar uchun yashil obligatsiyalar / sukuk, kraudfanding va boshqalar).