2022 yil 31 mart, Nukus shahri, Qoraqalpogʻiston Respublikasi. Kecha Yoshlar ishlari agentligi binosida Qoraqalpogʻistonning eng yaxshi startap loyihalar tanlovining yakuniy bosqichi boʻlib oʻtdi.

Joriy yilning yanvar-mart oylari davomida BMT Taraqqiyot dasturi koʻmagida Qoraqalpogʻistondagi yoshlar ishlari agentligi bilan hamkorlikda Qoraqalpogʻiston Respublikasi innovatsion rivojlanish vazirligi hududiy boshqarmasi bilan hamkorlikda Qoʻngʻirot, Moʻynoq, Boʻzatov tumanlaridan 18-30 yoshgacha boʻlgan yoshlar uchun tadbirkorlik asoslari va startap tashabbuslarini boshlash bosqichlari boʻyicha oʻquv kursi tashkil etildi.

Kursning 72 nafar ishtirokchisi axborot texnologiyalari, iqtisodiyot, ijtimoiy tashabbuslar, turizm, mintaqaviy iqlim oʻzgarishi kabi sohalarda innovatsion gʻoyalar va startap loyihalarini amalga oshirish asoslarini oʻrganib, maqsadli auditoriyani tanlashni oʻrgandilar. Oʻquv jarayoni davomida ishtirokchilar malakali murabbiylardan axborot olish imkoniyatiga ega boʻldilar, ular loyihaning kamchiliklarini koʻrsatib, tanlovda taqdim qilish uchun ularni takomillashtirish yoʻllarini taklif qildilar.

Kurs dasturi, shuningdek, tajribali tadbirkorlar ishtirokida mavzuli onlayn uchrashuvlar, mahorat darslari, biznes-rejalar tuzish va start-uplarni amalga oshirish masalalari boʻyicha maxsus ekspert-mentorlar va biznes-murabbiylardan maslahat oldi.

Orolboʻyi qishloq aholisining hayotini yaxshilashga qaratilgan innovatsion startaplar boʻyicha tanlovning yakuniy bosqichida 16 jamoa oʻz ishini taqdim etdi, ularning har biri bitta loyiha bilan ishtirok etdi. Hakamlar hay’atining hulosalariga koʻra, 7 ta jamoa startap loyihalari tanlov gʻoliblari deb e’lon qilindi:

• Qoraqalpoq tilida turli tillarni oʻqitish boʻyicha "Bilim" til maktabi;
• Dasturchilar kombinati - dasturiy ta’minotni noldan oʻrganish uchun mobil platforma;
• Suv-texnologiyasini takomillashtirish - muqobil energiya manbalaridan foydalanish orqali yer osti suvlaridan toza suv olish;
• Bookies - audiobooklardan foydalanish uchun platforma;
• Charm-teri mahsulotlari ishlab chiqarish;
• Qayta ishlangan PET (polietilen tereftalat) butilkalardan bruschaschatka ishlab chiqarish
• Asu-bracket – yogʻoch ipigʻi, qurigan oʻtlar, urugʻ poʻsti va turli chiqindilardan briket ishlab chiqarish.

Gʻoliblar BMTning Oʻzbekistondagi Orolboʻyi mintaqasi uchun inson xavfsizligi boʻyicha Koʻpsheriklik trast fondi tomonidan moliyalashtiriladigan BMTTD, YuNFPA, FAO "Orolboʻyi hududining yaxshi himoyalanmagan hamjamiyatlaridagi iqtisodiy va oziq-ovqat xavfsizligi muammolarni hal qilish uchun yoshlar va zaif aholining moslashuv salohiyatini mustahkamlash orqali ijodiy va innovatsion imkoniyatlarini rivojlantirish" nomli Qoʻshma dasturini  amalga oshirish doirasida  moliyaviy yoki texnik koʻmak oladi.

BMTTD, YuNFPA, FAO Qoʻshma dasturining yoʻnalishlaridan biri aholi farovonligini oshirish, yoshlarni innovatsiyalarni joriy etish, aqlli va raqamli texnologiyalarni ilgari surish, startap va biznes tashabbuslarini amalga oshirish, kasb-hunarga oʻqitish va tadbirkorlik koʻnikmalarini rivojlantirish, Qoraqalpogʻistonda ish oʻrinlarini yaratish orqali qoʻllab-quvvatlashdir. Dastur 2021 yildan boshlab Oʻzbekiston Respublikasida iqtisodiy rivojlanish va kambagʻallikni qisqartirish vazirligi koʻmagida amalga oshirilmoqda.