TOSHKENT, 2021 yil 19 avgust: Birlashgan Millatlar Tashkilotining Taraqqiyot dasturi shu hafta 15 ta vazirlikning 60 dan ortiq vakillarini xalqaro xususiy kapitalning jamoat manfaati uchun imkoniyatlarini optimallashtirishga bag'ishlangan ikki kunlik onlayn seminar ini o'tkazdi. Bu tadbir 2-iyulda O'zbekistonning Barqaror rivojlanish maqsadlari (BRM) suveren obligatsiyalari chiqarilishidan kelib chiqqan bo'lib, u xususiy fondlardan BRMga yo'naltirilgan davlat dasturlarini moliyalashtirishga ko'maklashishi kutilmoqda.

BMT Taraqqiyot Dasturi O'zbekistonning bu tashabbusini keng qo'llab-quvvatlaydi va O'zbekiston hukumati bilan suveren obligatsiyalar emissiyasini BRM bilan yaxshiroq muvofiqlashtirish va davlat qarz olishining shaffofligi va hisobdorligini yaxshiroq ta'minlash uchun yaqindan hamkorlik qilib kelmoqda. 

O'zbekiston Respublikasi moliya vazirining o'rinbosari Axadbek Xaydarovning aytishicha, "biz bu yondashuvni kelajakda davlat byudjeti va tashqi qarz mablag'lari hisobidan moliyalashtiriladigan boshqa loyihalarga qo'llaymiz". Shu ma'noda, biz, bu treninglar bizga ESG va BRM bilan bog'liq moliyaviy vositalar bilan ishlashda tegishli salohiyatni shakllantirishga yordam beradi va kelajakda rivojlanish va BRM loyihalari uchun asos bo'lib xizmat qiladi, deb ishonamiz ", dedi u.

Seminar davomida vazirlik ishtirokchilari, shuningdek, O'zbekistonning BRM obligatsiyalari tizimini hamda daromadlarning xalqaro miqyosda tan olingan standartlarga muvofiq qanday kuzatilishi, taqsimlanishi va boshqarilishi bilan tanishdilar. Trening shuningdek, "Yashil iqtisodiyot" kontekstida barqaror rivojlanishning turli o'lchamlarini o'z ichiga oldi. Xalqaro kapital bozori assotsiatsiyasining (ICMA) bozorga muvofiqligi tamoyillari batafsil yoritildi.

Kris Smit, EMEA – “Chegarasiz bankirlar” tashkiloti hamraisi va boshqaruvchi direktori, Barqaror rivojlanish maqsadlari obligatsiyalar tizimi va uning qanday ishlashi haqidagi bilim va salohiyatni oshirish uni amalga oshirish uchun muhim ahamiyatga ega ekanligini ta'kidladi. "Vazirlik vakillarining bunday keng doiradagi ishtiroki O'zbekistonning BRMlarga erishish niyatida ekanining yaqqol nishonasidir", dedi u.

Seminar Birlashgan Millatlar Tashkilotining Bosh kotibi tomonidan rivojlanishning yangi va innovatsion yondashuvlarini rag'batlantirish va yo'lga qo'yish orqali rivojlanish amaliyotini takomillashtirish maqsadida barcha 17 ta maqsadlar bo'yicha ish olib borish uchun tuzilgan BRM Qo'shma Jamg'armasi tomonidan moliyalashtiriluvchi, BMTning “O'zbekistonda barqaror rivojlanish uchun moliyalashtirishning yaxlit milliy tizimini (INFF)” doirasida tashkil etildi.

Mavzu tarixi

BRM Qo'shma jamg'armasi maqsadi BMTning Doimiy vakillari va BMTning mamlakat jamoalarini hukumatlar bilan hamkorlik qilishda qo'llab-quvvatlashga qaratilgan bo'lib, ushbu hamkorlik BRMlarga erishish jarayonini global, mintaqaviy va mamlakat darajasida jadallashtirishga qaratilgan aqlli moliyalashtirish strategiyalari ishlab chiqarilishiga olib keluvchi yaxlit va o'zgartiruvchi chora-tadbirlar ishga tushirilishiga erishishdan iborat. U quyidagi donor davlatlar: Daniya, Yevropa Ittifoqi, Germaniya, Irlandiya, Lyuksemburg, Monako, Gollandiya, Norvegiya, Portugaliya, Ispaniya, Shvetsiya va Shveytsariya hissasi bilan tashkil etilgan.

Qo'shimcha ma'lumotlar uchun: Bekzod Umarov, BMTTD: bekhzod.umarov@undp.org Tel.: +998933977599