BMTTD ning O‘zbekistondagi vakolatxonasi O‘zbekistondagi nogironligi mavjud shaxslar uchun yangi davlat dasturini qutlaydi

Mon Dec 04 00:00:00 EST 2017

Birlashgan Millatlar Tashkiloti O‘zbekiston Prezidentining nogironligi mavjud shaxslar bo‘yicha davlat dasturini tasdiqlash bo‘yicha farmonini samimiy qutlaydi.

Ushbu Farmonning qabul qilinishi eng ijtimoiy nochor guruhlar O‘zbekistondagi barqaror rivojlanish bo‘yicha xatti-harakatlar markazida bo‘lishini ta’minlash imkonini beradi. Va bu hukumatning Barqaror rivojlanish maqsadlari va ularning asosiy tamoyili “Barchani qamrab olish” bo‘yicha qabul qilingan majburiyatlariga to‘liq mos keladi. Davlat dasturi O‘zbekistonda nogironligi mavjud odamlar o‘zlarining iqtisodiy va ijtimoiy huquqlarini amalga oshira olishlari uchun kompleks umumdavlat xatti-harakatlarini qamrab oladi.

Xususan, BMT tomonidan taraqqiyotni alohida qayd qilinayotgan uchta sohasi:

1.         Birinchi soha O‘zbekistondagi nogironligi mavjud odamlar va nogironlik toifalarini baholash imkoniyatini beruvchi ma’lumotlarni to‘plash tizimiga taalluqli, zero bu siyosiy darajada ularni qo‘llab-quvvatlash bo‘yicha chora-tadbirlarning manzilligini yaxshilash imkonini beradi.

2.         Ikkinchi soha – Davlat dasturi Nogironlar huquqlari to‘g‘risidagi xalqaro konvensiyani ratifikatsiya qilishga tayyorlanish chora-tadbirlarini ko‘zda tutadi.

3.         Uchinchidan, davlat dasturida nogironlikni yaxshilash va uni belgilashni qayta ko‘rib chiqish chora-tadbirlari ko‘zda tutiladi. Bu esa nogironlikni aniqlashga tibbiy yondashuvdan nogironligi mavjud odamlarga nisbatan inson huquqlariga asoslagan yondashuvni ta’minlash bo‘yicha global harakatlarga muvofiq ijtimoiy modelga o‘tishni anglatadi.

Shuningdek biz O‘zbekiston hukumati Davlat dasturi vositasida BMT ning bola huquqlari bo‘yicha qo‘mitasi tomonidan 2013 yilda bildirilgan tavsiyalarni ham ko‘rib chiqayotganligidan mamnunmiz.

Mamnuniyat bilan shuni qayd etamizki, prezidentning xalq ishtiroki va xalq bilan muloqotni ta’minlash bo‘yicha xatti-harakatlariga muvofiq, dasturni tayyorlash jarayoni keng qamrovli va maslahat tusida bo‘ldi. BMT boshqa manfaatdor tashkilotlar bilan birga davlat dasturi loyihasiga o‘zining sharhlari va tavsiyalarini berishga taklif qilindi, va tavsiyalarimizning aksariyati davlat dasturining yakuniy versiyasiga kiritildi. Kelgusida ham ushbu inklyuziv yondashuvni qo‘llashni davom ettirish juda muhim, toki nogironligi mavjud odamlar va nogironligi mavjud odamlarning tashkilotlari ularni qo‘llab-quvvatlashga va ehtiyojlarini qondirishga yo‘naltirilgan siyosatlarni ishlab chiqishda va amalga oshirishda ishtirok eta olsin.

Shuni mamnuniyat bilan ta’kidlaymizki, prezident farmonining amalga oshirilishi 2030 yilgacha barqaror rivojlanish sohasidagi Kun tartibini amalga oshirishga ko‘maklashadi. Milliy va xalqaro hamkorlar bilan rivojlanish sohasidagi hamkorlik asosida O‘zbekistondagi Birlashgan Millatlar Tashkiloti hukumatning Davlat dasturi qoidalarini amalga oshirilishini davom ettirishga tayyor.

O‘zbekiston barqaror rivojlanish, va birinchi galda inklyuziv barqaror rivojlanish sohasidagi xatti-harakatlar tarafdori. O‘zbekistondagi BMT oilasi ushbu dasturni amalga oshirishda hamkorlik qilishga va hukumatning barcha tarmoqlarini qo‘llab-quvvatlashga tayyor.

Nogironligi mavjud shaxslarga nisbatan davlat dasturini qabul qilinishi O‘zbekistonning barqaror rivojlanishi, xususan, «Barchani qamrab olish» tamoyiliga rioya qilinishini ko‘zda tutuvchi inklyuziv barqaror rivojlanishga moyilligining yaqqol dalilidir.