SubscribeSubscribe

Yangiliklar

  • Yangi planshetga ega boʻling! 13-okt, 2016

    Xalqaro ofatlar xavfini kamaytirish kuni arafasida Oʻzbekiston Respublikasi Favqulodda vaziyatlar vazirligi va Oʻzbekistondagi BMT Taraqqiyot Dasturi tabiiy ofatlar natijasida vujudga kelgan favqulodda vaziyat sharoitida toʻgʻri harakat qilish borasidagi eng yaxshi bilimlar tanlovini e’lon qilishmoqda.

  • Toshkentda zamonaviy seysmologiyaning dolzarb muammolari muhokama qilinmoqda 12-okt, 2016

    2016-yilning 12 oktabr kuni “Poytaxt” biznes markazida Toshkent zilzilasining va Oʻzbekiston Respublikasi Fanlar Akademiyasining Seysmologiya instituti tashkil topganining 50 yilligiga bagʻishlangan “Zamonaviy seysmologiyaning dolzarb muammolari – TASECO 2016” mavzusidagi uch kunlik Xalqaro konferensiya oʻz ishini boshladi. Anjumanning ochilish marosimida - Oʻzbekiston Respublikasi Fanlar Akademiyasi prezidenti vazifasini bajaruvchi Professor Lutpullaev S.L, Oʻzbekiston Respublikasi Favqulodda Vaziyatlar vazirining Birinchi oʻrinbosari Aripov K.M., BMTTDning Oʻzbekistondagi doimiy vakilini oʻrinbosari Karaxanov F. soʻzga chiqishdi va tadbirni xalqaro darajadagi ekspertlar ishtirokida mana shunday nufuzli shaklda oʻtkazilishi muhimligini taʼkidladilar.

  • Davlat Boshqaruvi Akademiyasi va BMTTD “O’zbekistonda davlat boshqaruvi sohasidagi rahbar kadrlarni tayyorlashga ko’maklashish” nomli loyiha boshlash arafasida 6-okt, 2016

    2016 yil 6 oktyabr kuni O’zbekiston Respublikasi Prezidenti Huzuridagi Davlat Boshqaruv Akademiyasi (DBA) va O`zbekistondagi BMT Taraqqiyot dasturi vakillari o’rtasida yangi “O’zbekistonda davlat boshqaruvi sohasidagi rahbar kadrlarni tayyorlashga ko’maklashish” qo`shma loyihasini baholash va tasdiqlash yuzasidan yig`ilish bo`lib o`tdi. Ushbu loyiha davlat xizmatchilarini tayyorlash va qayta tayyorlash tizimini yanada yaxshilashga qaratilgan.

  • Bioxilma-xillikni asrash yo‘lidagi hamkorlik yangi bosqichga ko‘tarildi 5-okt, 2016

    Biologik xilma-xillik deganda tabiatda mavjud bo‘lgan turlar va bir turga mansub bo‘lgan tirik jonzodlar, o‘simliklar va ekotizimlarning ko‘pligi va xilma-xilligi nazarda tutiladi. Hozirgi kunda bioxilma-xillikka hayvon va o‘simlik dunyosida mavjud bo‘lgan tabiiy yashash joylarning tanazzulga uchrashi, tabiiy resurslarning xaddan tashqari tasarruf etilishi, atrof-muhitning ifloslanishi, iqlim o‘zgarishi kabi hodisalar tahdid solmoqda. BMT Taraqqiyot dasturi va O‘zbekiston Respublikasi Tabiatni muhofaza qilish davlat qo‘mitasi o‘rtasida noyob biologik xilma-xillikka boy bo‘lgan O‘zbekistnda tabiiy resurslardan oqilona, tejamkorona foydalanish borasida ko‘p yi’lik samarali hamkorlik amalga oshirilib kelmoqda. Yaqinda imzolangan ikki tomonlama memorandum ushbu hamkorlikni yangi bosqichga ko‘tarib, biologik xilma-xillikni asrash masalalariga alohida urg‘u beradi.

  • An’anaviy usullardan intensiv bog‘dorchilikkacha 5-okt, 2016

    Joriy yilning oktyabr oyida Savdo-sanoat palatasi tomonidan BMTTD bilan hamkorlikdagi “O‘zbekiston biznes-forumi (III-bosqich)” qo‘shma loyihasi ko‘magida respublikaning olti viloyatida amaliy seminarlar turkumini o‘tkazadi. Qariyb 600 nafar fermerlar olma bog‘lariga ishlov berishning zamonaviy texnologiyalariga oid bilimlarini oshirish, shuningdek, bog‘dorchilik samaradorligini oshirish bo‘yicha amaliy ko‘nikmalarini rivojlantirish imkoniyatiga ega bo‘ladilar.

  • BMTTD alohida parvarishga muhtoj aholi qatlamiga ko’rsatilayotgan xizmatlar sifatini yanada yaxshilashga ko’maklashmoqda 29-sen, 2016

    Aholini ijtimoiy qo’llab-quvvatlash, yolg’iz keksalar va nogironlar masalasi mustaqillikning dastlabki yillaridan O’zbekiston Respublikasi ijtimoiy siyosatining ustuvor yo’nalishlaridan bo’lib kelmoqda. Xususan, O’zbekistion Respublikasi Vazirlar mahkamasining 1991-yil 28-maydagi 145-sonli “O’zgalar parvarishiga muhtoj yolg’iz pensionerlarni ijtimoiy himoyalash yuzasidan qo’shimcha chora-tadbirlar haqida”gi qarorida, doimiy parvarishga muhtoj yolg’iz pensionerlarga imtiyozlar berish, ularning asosiy ehtiyoj tovarlarini bepul yetkazib berish tartibi belgilangan edi. Bu qaror mustaqillikning dastlabki yillarida, aholining eng zaif qatlamlariga kiruvchi yolg’iz keksalar va nogironlarning hayot darajasini yaxshilash va turli qiyinchilikalrni yengib o’tishda katta rol o’ynadi.

  • Oʻzbekistonda BMTTD hamkorligida AKT 2016 Haftaligi oʻtkazildi 23-sen, 2016

    2016-yilning 19-23-sentyabr kunlari davomida Toshkentda – Oʻzbekiston axborot-kommunikatsion texnologiyalari sohasidagi eng muhim voqea – ICTWEEK Uzbekistan 2016 boʻlib oʻtdi. ICTSUMMIT va ICTFORUM – Haftalikning asosiy tadbirlarida davlat boshqaruvi organlari, AKT yoʻnalishidagi korxona va tashkilotlar rahbarlari, shuningdek, xorijiy ekspertlar hamda xalqaro tashkilotlar va IT-kompaniyalarning vakillari, 800dan ziyod tinglovchilar ishtirok etdilar.

  • Qonunlar samarali amalga oshirilishni ta’minlash uchun, ular har tomonlama aniq va yetarlicha puxta ishlab chiqilishi lozim 22-sen, 2016

    2016 yil 22 sentyabrda Toshkent shaxrining Wyndham mehmonxonasida "Normativ-huquqqiy hujjatlar loyihalari ekspertizasini yanada takomillashtirish boy’icha dolzarb vazifalar” mavzusida xalqaro seminar bo'lib o'tdi.

  • “Yagona darcha” tadbirkorlarga qurilish uchun tartibotlardan o‘tishni yengillashtiradi 19-sen, 2016

    Biznes yuritish aksariyat hollarda u kafe bo‘ladimi, restoranlar, go‘zallik salonlari, dorixonalar, mehmonxonalar bo‘ladimi, yangi obyektlarni qurish, bino va inshoatlarning tashqi ko‘rinishini (fasadini) o‘zgartirish yoki turar-joy ob’ektlarini noturar-joy toifasiga o‘tkazish, mavjud obyektlarni qayta rekonstruksiya qilish bilan bog‘liqdir. Milliy qonunchiligimizga muvofiq O‘zbekistonda ushbu ishlarni amalga oshirish uchun, tadbirkorlar o‘rnatilgan tartibda ruxsatnomalar olishlari zarur.

  • BMT Taraqqiyot Dasturi ICTWEEK Uzbekistan 2016 hamkori 16-sen, 2016

    19-23-sentabr kunlari O’zbekistonda ICTWEEK Uzbekistan 2016 axborot-kommunikatsion texnologiyalari haftaligi boʻlib oʻtadi. AKT haftaligini har yili oʻtkazishdan maqsad – AKT rivojnalishida erishilgan yutuqlarni muhokama etish, AKTni turmushning turli jabhalarida joriy etilishi natijalari afzalliklarining aniq namunalarini namoyish etish, hamda axborot-kommunikatsion sohasini rivojlantirish mayllarini, shuningdek, Oʻzbekistonda AKT rivojlanishini ragʻbatlantirish va xalqaro hamkorlikni kengaytirish yoʻllarini belgilab olishdir.