Iqtisodiy boshqaruv

  • Loyihaning asosiy maqsadi O‘zbekiston Respublikasiga ko‘rsatiladigan tashqi yordamning unumdorligini oshirish hamda tegishli davlat idoralarining tashqi yordam mablag‘larini muvofiqlashtirish, jalb etish va boshqarish borasidagi salohiyatini mustahkamlashdan iborat. Xususan, loyiha orqali tashqi yordam loyihalari va dasturlarini tahlil qilish va amalga oshirish uchun zarur bo‘lgan tizimlar, yo‘l-yo‘riqlar hamda davlat chora-tadbirlarini ishlab chiqishga ko’maklashish rejalashtirilgan.

  • O‘zbеkiston hukumati milliy va xalqaro rеsurslarni jalb etgan holda mamlakatda OIV epidеmiyasi tarqalishiga qarshi kurashish va kasallikka barham bеrishda katta ishlarni amalga oshirmoqda. O‘zbеkiston OITS, sil va bеzgakka qarshi kurash bo‘yicha global jamg‘arma grantiga ariza bеrdi va bunday grantga bir necha marotaba sazovor bo‘lgan. 33 million AQSh dollariga teng bo‘lgan oxirigi grant BMTTD tomonidan O‘zbekiston Hukumati, fuqarolik jamiyat va xalqaro tashkilotlar bilan hamkorlikda amalga oshirilmoqda.

  • Oldingi tashabbusning muvaffaqiyatli tajribasi va amalga oshirilishiga asoslangan holda BMTning Oʻzbekistondagi toʻrtta agentligi – BMTTD, UNESCO, UNFPA va BMTKD sa’y-harakatlari birlashtirilgan BMTning yangi Qoʻshma Dasturi inson xavfsizligiga oʻzaro bogʻliq boʻlgan xatarliklarni yumshatish, hamda Orolboʻyi mintaqasi uchun inson xavfsizligi boʻyicha Koʻpsheriklik fondini tashkil etish hisobiga barqaror moliyaviy koʻmakni taʻminlashga qaratilgandir.

  • Ushbu loyiha O'zbekiston Respublikasi Oliy Majlisi Senatiga hamda boshqa vazirlik va idoralarga 2017-2021 yillar uchun qabul qilingan Harakatlar Strategiyasining uchinchi qismiga muvofiq investitsion muhitni yaxshilashga qaratilgan maqsadini amalga oshirishda, to'g'ridan-to'g'ri chet el sarmoyalarini jalb etish orqali ishchi o'rinlarini yaratishda ko’mak beradi. Loyiha, shuningdek, bu yo'nalishda boshqa donorlar va xalqaro tashkilotlar sa'y-harakatlarini muvofiqlashtirishda ishtirok etadi.

Samarali boshqaruv

  • Loyihaning asosiy maqsadi O'zbekistonning davlat sektoridagi rahbar kadrlari va davlat xizmatchilarini uzluksiz qayta tayyorlash uchun institutsional mexanizmini yanada mustahkamlashdan iboratdir. Loyiha salohiyatni mustahkamlashga qaratilgan turli xil dasturlarni tashkil etish mavjud o’quv dasturlarini xalqaro standartlar va ilg’or amaliyotga mufoviq takomillashtirish, xorijdagi nufuzli institutlar tajribasini o’rganish, davlat boshqaruvi masalalari hamda davlat xizmati islohotlari doirasida ilmiy tadqiqotlar o’tkazishga ko’maklashish kabi tadbirlar orqali Akademiyaning institutsional va o’quv salohiyatini yanada mustahkamlashga yo’naltiriladi.

  • BMTTD loyihasining faoliyati xalqaro standartlar va isbotlovchi siyosat tamoyillariga muvofiq oshkoralik va keng jamoatchilik ishtirokini taʼminlashni, shuningdek, qonun ijrosi ustidan samarali parlament nazoratini taʼminlashni koʻzda tutuvchi boshqaruv muhitini yaxshilash yoʻli bilan qonun ijodkorligi sifatini oshirishga yoʻnaltirilgan.

  • «Samarali davlat boshqaruvi va raqamli transformatsiyani rivojlantirishda ko‘maklashish» – bu O‘zbekiston Respublikasi Axborot texnologiyalari va kommunikatsiyalarni rivojlantirish vazirligi va BMT Taraqqiyot dasturi (BMT TD) ning hamkorlikdagi loyihasi. Loyihaning umumiy maqsadi Hukumatga davlat boshqaruvi va raqamli transformatsiyani davlat xizmatlarini yuqori hisobotdorlik, oshkoralik va fuqarolarning ehtiyojlariga rahmdillik bilan taqdim etish hamda fuqarolarning huquqiy axborotlarga kirish huquqini kengaytirish maqsadida isloh qilish sohasida milliy rivojlanish dasturini amalga oshirishda ko‘maklashishdan iborat. Bir vaqtning o‘zida loyiha O‘zbekiston aholisining turmush darajasi va sifatini oshirish hamda ko‘p miqdordagi ishchi o‘rinlarini yaratish maqsadida AT-autsorsing potensialini oshirishga yordamlashadi.

  • «Ayollarning davlat boshqaruvida ishtirok etishlari va ularning ijtimoiy-iqtisodiy hayotdagi faolliklarini oshirish uchun huquq va imkoniyatlarini kengaytirish» – bu O‘zbekiston Xotin-qizlar qo‘mitasi va BMT Taraqqiyot Dasturi (BMT TD) ning hamkorlikdagi loyihasi. Loyihaning umumiy maqsadi ayollarning davlat boshqaruvidagi faol ishtirok etishini BMT ning Xotin-qizlar huquqlarini kamsitilishining barcha shakllariga barham berish to‘g‘risidagi Konvensiyasi (CEDAW) ga muvofiq oshirish, ayollar huquqlari va imkoniyatlarini kengaytirishdan iborat.

Atrof muhit va enеrgiya