Inklyuziv va samarali boshqaruv

  • “BMT Ustav va Shartnomaviy Organlarining tavsiyalarini Oʻzbekiston Respublikasida amalga oshirilishiga koʻmaklashish” loyihasi – bu Inson huquqlari boʻyicha Oʻzbekiston Respublikasi Milliy Markazi bilan Oʻzbekistondagi vakolatxonasi oʻrtasidagi hamkorlikdagi loyiha hisoblanadi.

  • «O‘zbekistonda ham samarali, hisob beruvchi va oshkora boshqaruv institutlari orqali korrupsiyaga qarshi kurashish» – bu Adliya vazirligi, Bosh prokuratura va BMT TD ning O‘zbekistondagi vakolatxonasining hamkorlikdagi loyihasi.

  • “O‘zbekistonda qonun ustuvorligi yơlida hamkorlik” qo‘shma loyihasining asosiy maqsadi O‘zbekistonda odil sudlovga erishish darajasini oshirish hamda fuqarolarning sud tizimiga nisbatan ishonchini mustahkamlashdir. Loyiha 2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasida belgilangan sud hokimiyatining chinakam mustaqilligini, qonun ustuvorligini ta’minlash, sudning nufuzini oshirish, sud-huquq tizimini takomillashtirish kabi muhim vazifalardan va xalqaro amaliyotdan kelib chiqqan holda O‘zbekiston Respublikasi Oliy sudi va boshqa milliy hamkorlar bilan birgalikda ish olib boradi.

  • «Ayollarning davlat boshqaruvida ishtirok etishlari va ularning ijtimoiy-iqtisodiy hayotdagi faolliklarini oshirish uchun huquq va imkoniyatlarini kengaytirish» – bu O‘zbekiston Xotin-qizlar qo‘mitasi va BMT Taraqqiyot Dasturi (BMT TD) ning hamkorlikdagi loyihasi. Loyihaning umumiy maqsadi ayollarning davlat boshqaruvidagi faol ishtirok etishini BMT ning Xotin-qizlar huquqlarini kamsitilishining barcha shakllariga barham berish to‘g‘risidagi Konvensiyasi (CEDAW) ga muvofiq oshirish, ayollar huquqlari va imkoniyatlarini kengaytirishdan iborat.

  • «Samarali davlat boshqaruvi va raqamli transformatsiyani rivojlantirishda ko‘maklashish» – bu O‘zbekiston Respublikasi Axborot texnologiyalari va kommunikatsiyalarni rivojlantirish vazirligi va BMT Taraqqiyot dasturi (BMT TD) ning hamkorlikdagi loyihasi. Loyihaning umumiy maqsadi Hukumatga davlat boshqaruvi va raqamli transformatsiyani davlat xizmatlarini yuqori hisobotdorlik, oshkoralik va fuqarolarning ehtiyojlariga rahmdillik bilan taqdim etish hamda fuqarolarning huquqiy axborotlarga kirish huquqini kengaytirish maqsadida isloh qilish sohasida milliy rivojlanish dasturini amalga oshirishda ko‘maklashishdan iborat. Bir vaqtning o‘zida loyiha O‘zbekiston aholisining turmush darajasi va sifatini oshirish hamda ko‘p miqdordagi ishchi o‘rinlarini yaratish maqsadida AT-autsorsing potensialini oshirishga yordamlashadi.

  • BMTTD loyihasining faoliyati xalqaro standartlar va isbotlovchi siyosat tamoyillariga muvofiq oshkoralik va keng jamoatchilik ishtirokini taʼminlashni, shuningdek, qonun ijrosi ustidan samarali parlament nazoratini taʼminlashni koʻzda tutuvchi boshqaruv muhitini yaxshilash yoʻli bilan qonun ijodkorligi sifatini oshirishga yoʻnaltirilgan.

  • Loyihaning asosiy maqsadi O'zbekistonning davlat sektoridagi rahbar kadrlari va davlat xizmatchilarini uzluksiz qayta tayyorlash uchun institutsional mexanizmini yanada mustahkamlashdan iboratdir. Loyiha salohiyatni mustahkamlashga qaratilgan turli xil dasturlarni tashkil etish mavjud o’quv dasturlarini xalqaro standartlar va ilg’or amaliyotga mufoviq takomillashtirish, xorijdagi nufuzli institutlar tajribasini o’rganish, davlat boshqaruvi masalalari hamda davlat xizmati islohotlari doirasida ilmiy tadqiqotlar o’tkazishga ko’maklashish kabi tadbirlar orqali Akademiyaning institutsional va o’quv salohiyatini yanada mustahkamlashga yo’naltiriladi.

BMTTD BMTTD dunyoda

Siz hozir BMTTD O'zbekiston 
O'ting BMTTD dunyo bo'ylab