Infografika - Elektron ishtiroki degani nima?

E-gov

O'zbekistonda elektron hukumatning jadal rivojlanishi va davlat xizmatlarini amalga oshirish uchun veb texnologiyalarni joriy etish jamiyat bilan o’zaro aloqa mavjudligini talab qiladi. Elektron hukumat kontseptsiyasida ushbu o’zaro aloqa elektron ishtirok deb ataladi. Elektron ishtirok – jamoatchilikni davlat organlari tomonidan qaror qabul qilish hamda davlat siyosatini ishlab chiqish jarayonlariga axborot texnologiyalari orqali jalb etish degani.

BMT tomonidan jahon mamlakatlarida elektron hukumatni rivojlantirish boʻyicha Tadqiqotinin muhim ko’rsatkichlaridan biri Elektron Ishtirok Indeksi hisoblanib, mazkur koʻrsatkich jahon mamlakatlarida fuqarolar va tadbirkorlik subʼektlarining davlat va mahalliy boshqaruv organlari bilan oʻzaro aloqalarini amalga oshirishda AKTdan foydalanish darajasini baholaydi. 2016 yilgi Elektron Ishtirok reytingida Oʻzbekiston 24 pog’onaga koʻtarildi (yaʼni, 2014 yilda 71 oʻrin - 2016 yilda 47 oʻrinni egallagan). BMT ekspertlari Oʻzbekistonda kommunal xizmatlar (e-kommunal.uz), ochiq maʼlumotlar (data.gov.uz) va meʼyoriy-huquqiy hujjatlar muhokamasi (regulation.gov.uz) portallariga alohida ijobiy baho berishgan va davlat tomonidan fuqarolar bilan ishlashda ochiqlik va musaffolikni taʼminlashda muhim ekanligini taʼkidlashgan. Shu munosabat bilan, elektron ishtirok degani nima va uni rivojlantirish uchun nima ishlar qilinishi kerakligi tog’risida davlat xodimlari va aholi o'rtasida xabardorlikni oshirish muhim ahamiyatga ega.

Mazkur infografikada elektron ishtirokning asosiy shakllari, metodologiyasi va baholash mezonlari, O'zbekistonda mavjud elektron platformalarining imkoniyatlari, shuningdek mamlakatimizda elektron ishtirokni yanada rivojlantirish asosiy yo'nalishlari aks etilgan.