Mazkur qo`llanmaning asosiy maqsadi – O`zbekiston sharoitlarida franchayzing sxemasining ishlash xususiyatlari bilan tanishtirish, franchayzing munosabatlarining amaldagi va istiqboldagi ishtirokchilariga amaliy tavsiyalar berishdan iborat. Ushbu qo`llanma O`zbekistonda franchayzing masalalariga bag’ishlangan birinchi biznes nashr hisoblanadi. Unda O`zbekiston sharoitlarida franchayzing sxemasini qo`llagan holda biznesni tashkillashtirish, franchayzingning huquqiy va moliyaviy jixatlari, franchayzing paketining shartlarini kelishib olish xususiyatlari, ishlab chiqarilayotgan mahsulotlar (ko`rsatilayotgan xizmatlar)ning sifatini ta`minlash masalalar o`z aksini topgan.