Mazkur tahliliy hisobot mualliflarining fikricha, O’zbekistonda xorijiy sarmoyadorlarning mulklarni himoya qilish institutlari va mehanizmlarining samaradorligi mamlakatga kelayotgan sifatli xorijiy investisiyalar oqimiga katta ta’sir ko’rsatadi. Shu munosabat bilan BMTTD va TIAISVning “Tashqi iqtisodiy siyosatga ko’maklashish” qo’shma loyihasi doirasidagi mazkur tadqiqotning maqsadi O’zbekistonda investitsiyalarga oid kelishmovchiliklarni xal etish institutlari va mehanizmlarining salmogini oshirishga ta’sir etuvchi asosiy omillarni aniqlash va ularning samaradorligini oshirishga oid tavsiyalar ishlab chiqishdan iborat bo’ladi.